Poem: Avraham Reisin
ven di gantse velt volt laydn,
mir aleyn zol gut zayn bloyz:
volt ikh dan di velt di gantse
ayngeladn in mayn hoyz.
ikh volt treystn zi un tsertlen
un gezogt: "nit zorg zikh velt."
biz zi volt tsu zikh gekumen
un zikh af di fis geshtelt.
ven di velt geven volt gliklekh,
ikh aleyn bloyz ful mit leyd,
volt ikh dan tsu ir gekumen
un gefodert: "gib mir freyd!"
ober az mir beyde laydn
say di velt, say ikh aleyn,—
hot di velt nit vu tsu kumen
un ikh hob nit vu tsu geyn...
